Lyrks
Lyrks
Lyrks
Cover Art

Wa’fet Nasyet Zaman - وقفة ناصية زمان Lyrics by Ahmed Mekky - أحمد مكي

2017

[حوار]
إنت فاكر رمضان؟ كان الناس بتـ (بتعلق زينة)
بتعلق زينة وبتحط ساعات نشارة ملونة
- كنت لسه هقولك عليها
- وبيجوا بواحد يعمل فريم أبيض كده بدقيق ولا بجبس ويرسم جواه، ده كان فن
- حبل النور فيشته كانت بتتوزع كل يوم على شقة
إنت فكرتني بده، دي كانت رهيبة برضه
- آه
ليها معنى كبير
- طبعا، ما حدش يشيل لوحده
- الطبق اللي دايماً طالع نازل فى كل شقق العمارة
آه طبق هو بيجيلك وبيترد وتوديه وبيجيلك
- وتعمل إنت حاجة تملاه وتبعته وبيرجعلك تاني
دي كانت جميلة
- دلوقتي الموتوسيكل يخش ع البنت عليه تلاتة يخشوا ويقلبوها من شنطتها
تلاتة آه
يقلبوها من دراعها وياخدوا منها أي حاجة
ممكن يقرصوها أصلاً بس، من غير أي سبب، و لا عملوا حاجة ولا خليوا من
- ولا خليوا من الحاجة
زمان البنت وهي مروحة كانت من أول ما بتخش المنطقة خلاص كإنها دخلت البيت
- دخلت البيت، بالظبط
آمان
[المقدمة]
والدار أمان، الدار أمان
فاكرين ولا، فاكرين ولا، ولا نقول كمان
[المقطع الأول]
وقفة ناصية زمان إدتنا إزاي نملك لسان
موزون بيلاغي الصايع والضايع والجنتلمان
كله سيان، قابلنا كل أنماط جنس الإنسان
وإتعاملنا فإتبنى جوا الدماغ بوصلة وميزان
في جزء الثانية بنعرف نفقس مين جدع ومين جبان
ومين بقلب مات وأسود ومين قلبه بينبض حنان
ومين تشوفه تقول ده هادي ولو نكشته تشوف جنان
ومين غلبان ومين شيطان وجن وقرد وبهلوان
حتى الشقاوة ع الناصية كان ليها أصول
الخناق راجل لراجل مش راجل قصاد أسطول
كات وصمة عار كبيرة إنك تضرب واحد من الظهر
حصل هيحصلك عارك ويوصلك للقبر
ما كانش العادي من القوي بيكسر الأضعف منه
تحس الكل كان مؤمن إن القوي في الأقوى منه
من أول محترم شقي حتى المجرم كمان
الكلام ده شفته بعيني في وقفة ناصية زمان
كنا عزوة للحتة، الناس وقفتنا تحبها
ياما وقفات دلوقتي الناس تتمنى هدها
ألفاظ شمال بصوت عالي وحشيشها فايح منها
إزاي ولاد الحتة يبقوا هما مصدر همها
[اللازمة]
كان يا ما كان وقفة ناصية زمان
كان يا ما كان
[المقطع الثاني]
وقفة الناصية إتعلمنا فيها كتير لغات
السوعلمون كانت لغة بنرغي بيها لساعات
لو في غريب ما بينا ومش عاوزين يفهم معنى الحاجات
ساسب حواجب سفهم يتنيل ساجة حالات
وفي كمان لغات جسد سبيل مثال دي العيدية
ودي الجيزة فوق الكوبري، ودي الطالبية
ودي التلات طوابق اللي ناسها مية مية
وده الهرم ودي نفض، ودي صبرك عليّا
وقفة الناصية كانت زي النادي تمام
إتعلمنا فيها هواية إن كانت كلاب أو كان حمام
وقت الرغي في الهواية ما بيخلصش فيه الكلام
ما فيش فلوس، عادي برضه ما بتموتش الأحلام
عملنا بإيدينا ملعب غية وطبلية وجيم
الحاجة أم الإختراع إسعى إتوكل تتم
ما كانش فيه آيباد تابلت واتساب فيسبوك واكلينلي يومي
يومي كله كان خبرات بشر من فجري لحد نومي
مش معزول ومنطوي قدام شاشات وبالساعات
لا وسط ناس ومجتمع بشارك فيه بكتير حاجات
ياما حلينا ع الناصية كتير مشاكل وحوارات
أخد الحق حرفة تبات ولعة تصبح رماد
على وضعك يا عم مكي
يا ليلي، يا ليلي يا عيني يا ليلي
منطقتي هي الطالبية
يا ليلي يا عيني يا ليلي يا ليل
يا ليلي، يا ليلي يا عيني يا، يا ليلي
يا ليلي يا عيني يا ليلي يا، يا، يا عيني
فاكرين ولا، فاكرين و لا، ولا أقول كمان
Credits
Ahmed Mekky - أحمد مكي

Ahmed Mekky - أحمد مكي

About “Wa’fet Nasyet Zaman - وقفة ناصية زمان” by Ahmed Mekky - أحمد مكي

Read the complete lyrics to "Wa’fet Nasyet Zaman - وقفة ناصية زمان" by Ahmed Mekky - أحمد مكي in 2017. On Lyrks you can follow along with the full text, explore the artist's discography, and discover related songs. The track is often categorized under Egyptian - مصري, Arabic - عربي, Arabic Rap - راب عربي.

"Wa’fet Nasyet Zaman - وقفة ناصية زمان" is performed by Ahmed Mekky - أحمد مكي. in 2017 This page provides the full lyric text for fans who want to sing along, study the songwriting, or compare versions across releases. Lyrks organizes lyrics by artist and song slug so you can bookmark and share a stable URL. Music lyrics help listeners connect with emotion, narrative, and rhythm in a track. Whether you are learning English, researching a favorite chorus, or preparing for karaoke, having accurate line breaks and section labels (verse, chorus, bridge) makes the experience easier. We link to the official artist profile on Lyrks where available, including biography snippets, top songs, and chart placements when we have that data. If you enjoy "Wa’fet Nasyet Zaman - وقفة ناصية زمان", explore more songs by Ahmed Mekky - أحمد مكي using the links below. Chart and trending pages on Lyrks highlight what listeners are searching for this week. For copyright or correction requests, see our DMCA and contact pages.

View all songs and biography for Ahmed Mekky - أحمد مكي · Trending lyrics · Billboard Hot 100

Frequently asked questions

"Wa’fet Nasyet Zaman - وقفة ناصية زمان" is credited to Ahmed Mekky - أحمد مكي. Songwriting credits may include additional writers listed on the release; check the credits section on this page for linked collaborators.

Album information for "Wa’fet Nasyet Zaman - وقفة ناصية زمان" is not available in our database yet. You can still read the full lyrics on this page.

Visit the Ahmed Mekky - أحمد مكي artist page at /artist/ahmed-mekky for biography, popular tracks, and links to more lyric pages.