Lyrks
Lyrks
Lyrks
Cover Art

Nu Vico Chino ’E Vita Lyrics by Concetta Cupelli

Chist’ È Napule!

1979

Nu vecariello luongo, astritto e scuro
comme ne truove tante, tale e quale
pe' chesta via: 'a via d' 'e tribbunale
è sempe chino 'e vita a stravedè.
Na fila 'e vasce ca so' casa e putec,
albanno 'juorno s'arapeno e antrasatte
se vede tanta gente quatte quatte
c'accummenciano allère a faticà.
Chiù priesto ancora e primm' 'e tutte ll'ate
s'arape 'o vasce 'e Rosa 'a zarellara,
cu ll'aria grande d' 'a meglia putecara
na bancarella ch'è fatta pe' vedè
te caccia fora 'a via cu tanti ccose:
tammorre, surdatielle, caramelle,
pallune, cunfettielle, e fiurelle
ca cu na diece lire può accattà.
Ma si te sciglie però quacche pupata
o 'a mazza 'e lavà 'nterra c' 'a scupella
che fanno 'a ggioia 'e tutte 'e piccerelle
'o prezzo è n'ato cchiù care ll'hê pavà.
Doppo mez'ora Vicienzo 'o scarparo
siscanno sottovoce na canzona
c'ha 'ntiso 'a sera primma a ddà guagliona
'e 'mpigne, 'e tacche ê meze solae 'nchiove già
Nu vascio appriesso già s'è accummigliato
arete 'e panne stise 'nnanze 'e pporte
ca se mbruscinano 'nzieme a 'o viento forte
c'ogne matina scioscia comm'a cche.
Po' 'int' 'a nniente 'nnant' 'a bancarella
'e Rosa 'a zarellara s'è fermata
na chiorma 'e criature che 'ncantata
speruta 'a vide llà che sta a guardà
cu ll'uocchie doce e chine 'e desiderio
chelli pazzielle belle a una a una.
(Comme 'un se po' tuccà c' 'a mano 'a luna,
cu diece lire che se po' accattà?)
- Rafè vuò 'o franfellicco o 'a caramella? -
'a zarellara spia a nu guaglione
che sta guardanno fisso nu pallone;
nu siscariello però essa lle dà
che ll'ha mmustato 'o ninno c' 'o detillo.
Intanto a stì parole 'e donna Rosa
ll'ati guagliune se scegliono na cosa
e ognuno 'a scola o a casa se nne va
Quanno te cride ca 'o vico s'è addurmuto
na voce doce doce e aggraziata
te canta na canzona appassiunata
ca overamente 'o core fa allarià.
E' 'a Ricciulella ca sta 'e casa dinto
all'urdemo vascio 'e chillu vecariello.
Cuntenta essa s'arracqua 'o ciardiniello
appiso â porta e fora â via cchiùllà.
So' piante prufumate comm'aruta
piantate 'int' 'e tteste fatte 'e buatte
ma 'a malvarosa e credo ne so' quatte
p' 'a cascia 'e panne ca po' hanna prufumà.
Mentr'essa svelta s'arricetta 'a casa
'a mamma sta assettata for' 'a porta
p'appriparà 'e mazzette dint' 'a sporta
cu ll'evera addirosa, a cca e a llà.
- 'O mazzetto p' 'o brodo! - e a chesta voce
'e botta na fenesta s'è araputa
e 'a corda 'e nu panaro già è sagliuta
cu nu mazzetto ca 'o brodo fa addurà.
Ma ogne tanto st'everaiola trista
se guarda 'o sole ncielo cu dulore
ca scarfa sulamente a tutte ll'ore
'e ccase asteche e cielo ncoppa llà!
Chillu sole ca porta 'a ggioia 'ncore
e' allumma a festa 'e ccase puverelle
ca fa arapì barcune e fenestelle
pecché felice 'a vita fà scetà.
Credits
Concetta Cupelli

Concetta Cupelli

About “Nu Vico Chino ’E Vita” by Concetta Cupelli

Read the complete lyrics to "Nu Vico Chino ’E Vita" by Concetta Cupelli from the album "Chist’ È Napule!" in 1979. On Lyrks you can follow along with the full text, explore the artist's discography, and discover related songs. The track is often categorized under Non-Music, Italia, Literature.

"Nu Vico Chino ’E Vita" is performed by Concetta Cupelli. from the album "Chist’ È Napule!" in 1979 This page provides the full lyric text for fans who want to sing along, study the songwriting, or compare versions across releases. Lyrks organizes lyrics by artist and song slug so you can bookmark and share a stable URL. Music lyrics help listeners connect with emotion, narrative, and rhythm in a track. Whether you are learning English, researching a favorite chorus, or preparing for karaoke, having accurate line breaks and section labels (verse, chorus, bridge) makes the experience easier. We link to the official artist profile on Lyrks where available, including biography snippets, top songs, and chart placements when we have that data. If you enjoy "Nu Vico Chino ’E Vita", explore more songs by Concetta Cupelli using the links below. Chart and trending pages on Lyrks highlight what listeners are searching for this week. For copyright or correction requests, see our DMCA and contact pages.

View all songs and biography for Concetta Cupelli · Trending lyrics · Billboard Hot 100

Frequently asked questions

"Nu Vico Chino ’E Vita" is credited to Concetta Cupelli. Songwriting credits may include additional writers listed on the release; check the credits section on this page for linked collaborators.

"Nu Vico Chino ’E Vita" appears on "Chist’ È Napule!" in 1979.

Visit the Concetta Cupelli artist page at /artist/concetta-cupelli for biography, popular tracks, and links to more lyric pages.