[Intro: JMara]
Dumating ang kalungkutan sa buhay kong ito
Nawalan na ng panlasa sa mga bagay na gusto
Aking enerhiya bigla na lang nagbago
Ako ay binisita ng malungkot na mundo
[Verse 1: Zaki]
'Di ko inakala (Inakala)
Wala ka na pala agad na pumatak ang luha nu'ng nalaman (Nu'ng nalaman)
Sabi mo sa akin magaling ka na, wala nang karamdaman (Karamdaman)
Daya mo naman, lumisan ka, 'di man lang nakapagpaalam
Daming kasalanan, dami kong hiningi pero ni minsan 'di pa 'ko nakakahingi ng tawad (Ng tawad)
Kinamumuhian ko aking sarili
Panahon ay lumilipas 'di ko man lang 'yun naisip
Lahat ay lumilisan, kahit na ipilit
Kahit na gustuhin na permanenteng manatili
Ako'y nangungulila, 'di ko na mapigil
Kadalasan marami ka pang gustong sabihin
Kaso lang kamatayan ang nagpapatahimik
Sa panaginip na lang nakikita
Naglalaho rin agad tuwing gigising na
Tinutulog ko ulit kasi nabitin pa
'Di ko na alam paano sisigla
Matagal ko na rin 'tong iniinda
Sino kaya ang makapagliligtas?
'Di na babalik pero hinihintay
Ngayon pumapasok sa aking isipan
Para 'kong tanga, saka ko hinahanap kung kailan pa na wala
Kung bigyan ng panahon, bibihira talaga
Ang palagi niyang tanong, "bibisita ka pa ba?"
'Di ko man lang masagot, busy ako tabala
Mas inuna ko pa 'yung usok galing sa palara
Mga aral na tinuro mo, palagi kong dala
Mawala ka man sa mundo, sa 'king puso 'di maaaring mawala
[Chorus: JMara]
Dumating ang kalungkutan sa buhay kong ito
Nawalan na ng panlasa sa mga bagay na gusto
Aking enerhiya bigla na lang nagbago
Ako ay binisita ng malungkot na mundo
[Verse 2: JMara]
Ang buhay ng tao ay napakahalaga
Masanay na tayo na sa buhay'y mag-isa
H'wag ka nang magtaka, lahat 'yan ay mabubura
Walang mananatili sa atin na masaya
Walang tao na maaaring makapagdikta ng kaparalan
Walang tao na maaaring 'di makakita ng kalungkutan
Pa'no ko ba lalagpasan ang mga ito
Kung parati na lang nasa loob ng kwarto?
'Di ako lumalabas, binabanas, bumubulong si Satanas
Ako ay tinatanong kung nais ko bang alisan ang lahat ng ito
Wakasan ang buhay kong magulo
Lisanin ang mundong nakakalito
Maling paraan ang mabisa nga lang ay wala nang balikan ito
'Di mo na dapat ibabad sa isip, masyadong makitid, wala sa bilibid
Palitan ng kawal and dating sinulid
Ika'y makinig at ikaw ay manalig
Hindi Siya kalaban, aking kapatid
Sa bawat sigaw, Siya lang ang nakinig
[Chorus: JMara]
Dumating ang kalungkutan sa buhay kong ito
Nawalan na ng panlasa sa mga bagay na gusto
Aking enerhiya bigla na lang nagbago
Ako ay binisita ng malungkot na mundo
[Verse 3: JMara]
Dalawang taon mo din akong sinubukan
Mga ilang tanong, ah basta
Hindi ko mabilang
Habang bumubulong, dinig ko ang patak ng ulan sa bubong ng bilangguan
Dikit-dikit, maalinsangan, at puno ng kalungkutan
Ngunit pa'no ko nga ba 'to nilabanan?
Unang gabi ang pinakamatinding kalaban
Ako mismo 'di ko kinaya, ginusto ko na mawala subalit may pumigil na kung ano na hindi ko na malaman
Nangangatog habang umiimik sa pagtanong sa akin ng ibang kasama ko
Hindi ako masama, ako'y kabilang sa napakaraming mahihirap na may gusto lang na mapala
Ngunit hindi ko ibinigay ang hinihingi ng pagkaka-taon
Inilaban ko dalawang taon nang hindi ko binalak na
Tumalon
[Chorus: JMara]
Dumating ang kalungkutan sa buhay kong ito
Nawalan na ng panlasa sa mga bagay na gusto
Aking enerhiya bigla na lang nagbago
Ako ay binisita ng malungkot na mundo
