[Letra de "Nu Sta Forti"]
\n
\n[Verso 1: GuettoRoots]
\nCrimi li sin, na noz país
\nSta um filme di terror, assustador
\nTraficantes ata dadu cana di 5 violador
\nPolícia cada bez pior
\nEh ka segurança kes ata danu
\nEz ata mostranu rancor
\nEz ta diferencia noz cor
\nEz ta esvazia carregador
\nDipoz ez ta inventa
\nEz ta justifica kel ki pa ez eh midjor
\nTxeu alguen ta sufri ku kes injustiça na noz redor
\nN'ka ta imagina moh kes ta vivi, kes ata aguenta kel dor
\n(Kez ata aguenta kel dor)
\nNhoz flan si trabadju kes ata dadu, sez ta inxinadu ta mata
\nÉ um fidju di alguém, é um pai di família kes ta tra vida do nada
\nJustiça macabra, abuso poder, superioridade di um farda
\nNu teni di uni tudo soldados, kel merda li ten ki caba
\n
\n[Verso 2: Apollo G]
\nBranco ou Africano sima bo, ka bu julga e ajuda ma si bu podi
\nPamodi tudo noz nu dado um vida, ma um vida ki nu ka skodji
\nNha povo pa noz ez ka ta djobi
\nMaz union na dias di hoji
\nTudo kez ta planta um dia ez ta codji
\nKa bu skeci ma nu ben di longi
\nOdjan dentu odju flan kuze ku ta odja
\nNu kria na rua I’m a Street Souldja
\nSistema fazi tudo keh pa kebra nhaz asa
\nPa ka dexan bua ez pega corta
\nForti flau ma nha vida eh nha escolha
\nForti flaz ma mundo ta roda
\nSempi nhos tenta mandan pa baixu, maz forti sa volta
\nNu kre paz justiça igualdadi
\nMa di verdade, já ou agora
\nGuetto dja sta farto di ripiti kel frase
\nRest In Peace, Mama Ka Bu Txora
\n
\n[Verso 3: Landim]
\nTxoru ta espantau na madrugada
\nMaz um di noz ki djez mata
\nFamília di luto na casa
\nEz ben invadi ku mascara
\nForti sufri ka ta kaba
\nMaz forti fé ki ka ta kaba
\nSi bu mexi ku vulcon, bu ta manxi ku lava
\nBu ka kulpado pamodi bolso ou só pamodi endereço
\nKeli ta bai pa tudo noz guentis, dretu ki ta vivi na Guetto
\nRua e noz parlamento, reaçon podi ser violento
\nEh txeu problemas pa dentu, kez ben ignora ku tempo
\nCidadi lumi a branco i preto, sangue ainda sta na beco
\nSi bu kre vivi bu vida, bu ten ki ta morri pa bus direto
\nTudo zona ten um Moniz
\nRato zona Rest In Peace
\nPa noz zonas, noz minis
\n
\n[Verso 4: StayReal X]
\nAnos ta passa nada ka ta muda
\nTxeu gritos di revolta li entalado
\nDja sta na hora di nu sai pa rua
\nNu bati di frenti, consciência djunta soldados
\nNem bu ka sabi moh ki mama ta xinti inda nem ka manxi si fidju foi morto
\nNa mon di racistas extremista ka gosta noz raça preto
\nEz kre kaba kuel moko
\nDia pa dia n'ta manxi ku sangue maz frio
\nSem vontade ri, só fastio
\nEz teni raiva di noz raça
\nPreto ez ponu na bairro pez caça
\nLa vie c'est dure , n’sabi mon frere
\nEz teni gana di odjanu la dentu
\nSeh ka na caixon eh traz di gradi
\nNu sta na fim di sez ciclo perpétuo
\n
\n[Verso 5: Ricaasszz]
\nNha família frontado pamodi ez ka sabi si um dia n'ka ta txiga casa
\nPortugal sta mariado, ez ka sta papado, trocado abuso di farda
\nJuíza calado, ez krenu empatado por isso ki ti hoji ez embala
\nEz ta surfa pa nu sai ta praga
\nFlaz ma txuba ten pa tudo casa
\nPreto oh branco ko perdi sperança, si bu luta diretos bu ta atxa
\nSó union ki ta ponu ta ganha, conquistas grandi pa nu podi embarca
\nViolência na rua ten ki ta kaba
\nNu ten ki segura futuro criança
\nEnxinaz ma governo sez luta ka ta tadja
\nMostraz caminho certo pez prendi batalha
\nMa so ku palavra, atitudi na sombra ton faxi ta ataca
\nDjobi moh ku kre dexa bu marca
\nSem bu da conta, tempo ata passa
\nBu ten ki ta impõe pez ka kema bu casa
\nNu sta farto desgraça, nu sta farto desgraça
\n
\n[Verso 6: Xina RBL]
\nManxi cedo ta tenta survive, nu ata djobi pa life
\nTuga ten pouco saída, ta vivi sempri na ponta di knife
\nBen conxi rotina, tudo dia é um fight
\nTa tenta organiza pamo nu ka sta na paradise
\nAnos dja passa ma sima ki nu volta na tempo
\nSez raiva ka passa ma ta poz ta mata na momento
\nEz ta usa farda ma tambi ez ta xinti medo
\nEz ta mata por nada hora ki sez frenti sta um preto
\nAnoz é tudo igual, nhaz brotha ka importa cor
\nKantu dinoz ki matadu pa kes agressor
\nEh ka só bo, é tudo noz ki ata xinti dor
\nÉ tristi povo ta sufri, povo trabadjador
\n
\n[Verso 7: Pilitchi]
\nYo nu para nu pensa
\nImagina si nu fazi o memu, si nu paga sempri na memu moeda
\nImagina si nu djunta mon, nu djunta zonas, um X di dredaz
\nFlan, brotha flan sez ta aguenta
\nFlan, sem medo di rabenta
\nSta na hora di nu fazi o memu
\nPui pânico sem tempo pa lamenta
\nEz ten medu pa nu djunta noz tudo
\nEz ta pensa ma tuga eh so di sez
\nAcredita nu ta domina mundo
\nNu ka teni medo ninhum dez
\nEz kre ponu nigga la fundo
\nPa nunca ka txiga noz bez
\nNu sta djunto pa carrega luto
\nE nu ka ta skeci ninhum dez
\n
\n[Verso 8: Harley KSD]
\nSata corri pa mi, sata busca nha paz
\nPamo kuza pa li, sa pagadu ku dor
\nSata corri pa mi, sata busca nha paz
\nPamo kuza pa li, sa pagadu ku dor
\nKa ta imagina dor di família, ta txeka vídeo moh ki matadu
\nDeta pa sunha, corda spantado, ez fla lei di vida, Errado é Cobrado
\nNa tudo rua campo sta minado, soldado bro corri pa bu ka pegadu
\nSem tempo kexa nu djunta mon, i kel kez danu eh kel kez ta dadu
\nSó cuidado na undi ku ta pisa
\nCops ta roda ta fazi vigia
\nSez atxabu nha nigga ez ta limpa
\nEz eh cobra, ez eh fake, ez eh killers
\nLeba Kuku, ez leba Musso, ez leba Odair, ez leba um parti
\nFlan pamodi ki só nhaz niggaz ki ten ki sufri na mon di babi
\n
\n[Verso 9: Timor YSF]
\nTi na hora di venci sima ki nu perdi
\nSistema ta fulha sez cana na ghettos
\nNa spera ma nu ta mordi isco moh peixe
\nEi Ei
\nDja nu sufri dimaz, di fica ta lamenta
\nSta na hora di muda oh di morri ta tenta
\nVida sempri bazanu bafatada memu sem nu pisa ku doz pé na esquadra
\nPa kez ki ka sufri kel quadra ki enquadra
\nEi Ei
\nEz ta tapa, ez ta mata
\nSaco preto carrega na maca
\nEz sta contenti ku txoru di mama
\nTxorus ben di barracas
\nTxorus ben di barracas
\nEi, ayam
\nDexan ben flau ma vida eh ka si
\nKez fardadu dja leba metadi di mi
\nTudo hora ki nu sufri ez ta fica ta ri
\nHa, ha
\nDesdi puto kez ta mata manus
\nEz teni um S di street na canus
\nSez alvo é preto ku branco, ciganus
\n
\n[Verso 10: Loreta KBA]
\nNha tropa liga em plena madrugada, eh flan ma bofia mata maz um manu
\nTa fazen lembra som ki n'fazi kuando era puto à maz di 14 anu
\nNu ten ki serra caçadera canu antes dez cercanu
\nTi modi ez ka ta odjanu como ser humano
\nTipo ki matanu, bira quotidianu, sata parci um planu
\nPrimeru ez começa massacra Berdianu
\nDipoz sez racismo vira pa Ciganu
\nGossi eh Muçulmanu ku Indianu
\nEz passa um munti anu ta odianu (Ei)
\nNomi di partido é CHEGA, parcen ma chega di sta tudo partidu (Ei)
\nEz ata usa farda pez podi mata, inda noz keh bandidu?
\nKema, rua ata pega lumi
\nChama sata consumi
\nRaiva ki nhoz pui na mi
\n
\n[Verso 11: NeJah]
\nTa pidi Lord na final di dia, fazenu na prova di bala
\nExalta kenha kez humilha, pa voz di coitado labanta
\nN'ta jura nhoz ma final di dia, noz tudo ta volta pa casa
\nConsola perto di família, lamenta kez ki ka ben casa
\nTa pidi Lord na final di dia, fazenu na prova di bala
\nExalta kenha kez humilha, pa voz di coitado labanta
\nN'ta jura nhoz ma final di dia noz tudo ta volta pa casa
\nConsola perto di família , ai ai ai
\nDi madrugada mi corda spantadu ku djatu vizinha pamodi si fidju
\nN'obi na bentu kel txoru magoadu, mama sata txora djez mata si fidju
\nManinho ma nobo ta txora, ta djata pamodi sistema dja mata maninho
\nManinho ma nobo nunca pensa mata gossi eh ten ki mata, kela sta fodido
\nPeto ta kema, ghetto ta kema, tudo pamodi puta di sistema
\nPreto ez ta kema i noz nu ta repa, si fossi noz alguen li dja morreba
\nFartu essa merda, pa mi ez ta kema, branku ku preto nu djunta na guerra
\nTxoma indianu, txoma ciganu, flaz ma Loreta si kanu dja cerra
\nGuerra passado n'staba mi só
\nMi só na guerra mi pensa nha fim
\nN'djunta pa manu kez mata sem dó
\nN’ka ben mi só, n’ben fazi motim
\nN'ka ben ku papos di bejo i da mon
\nN’ben fla nhoz ma começo é li sin
\nSafoda farda, fuck bongo
\nCada bez ki n'txora, pa um dez odja fim
\n
\n[Verso 12: Vado MKA]
\nN'teni dor, n'teni ódio, txeu revolta dentu di Six
\nEz leba Musso, ez leba Teti, gossi djez leba nha primo Odair
\nPa nha bro ki polícias dja leba
\nOh nha mon dja sta fartu di algema
\nTantu ódio pa dentu ta kema
\nFlan si mata um dez tambi si nsata peca
\nOh nhor Deus na ki mundo ez ta vivi
\nEz ta mata ez ka ta ba kadia
\nRevolta dum fidju modi ki ta kria
\nKuze ki n’ta explica na nhaz sobrinha
\nFartu abuso mata inocenti
\nNinhum mãe dentu ghetto contenti
\nMágoa na vida, foto na paredi
\nNu ta txora di raiva sem fomi, sem sedi
\nNoz dor ninguém ka ta compreendi
\nÓdio dimaz di policia ku agenti
\nCabeça na gaz, só ta txora nhaz guenti
\nPouco motivo po odjan contenti
\nInfelizmenti n'teni ki ta fla nhaz puto ma racismo inda existi na sez menti
\nNu ta luta 10 bez maz
\nNoz ke di ghetto odjadu diferenti\n\n
